Tar éis srianta Covid Leibhéal 3 a thabhairt isteach ar fud na hÉireann ó mheán oíche an 6 Deireadh Fómhair 2020, leanfaidh éisteachtaí os comhair an Bhinse Achomhairc Idirnáisiúnta Cosanta (IPAT) ag dul ar aghaidh mar atá sceidealta. Cuireann an Binse seirbhís riachtanach ar fáil agus taisteal chuige agus uaidh chun freastal ar éisteachtaí is cúis riachtanach é a cheadaíonn taisteal faoi shrianta Covid Leibhéal 3 atá i bhfeidhm anois ar fud na tíre.
Is mian linn a dhearbhú d'úsáideoirí an Bhinse go bhfuil measúnú riosca sláinte agus sábháilteachta déanta maidir leis na bearta rialaithe Covid-19 atá i bhfeidhm sa Bhinse agus cuireadh in iúl dúinn gur féidir dul ar aghaidh le héisteachtaí. Cliceáil anseo le do thoil chun sonraí a fháil faoi na bearta rialaithe atá i bhfeidhm.