Bunaíodh an Binse Achomhairc um Chosaint Idirnáisiúnta i mí na Nollag 2016 de réir alt 61 den Acht um Chosaint Idirnáisiúnta 2015. Is comhlacht neamhspleách go reachtúil é an Binse agus feidhmíonn sé feidhm leathbhreithiúnach.
Bhunaigh Cuid 10 den Acht um Chosaint Idirnáisiúnta 2015 an Binse mar chomhlacht achomhairc a sholáthraíonn leigheas éifeachtach d’iarratasóirí ar chosaint idirnáisiúnta maidir le moltaí oifigeach cosanta idirnáisiúnta. Tá feidhmeanna chomhaltaí agus fhoireann an Bhinse leagtha amach i gCuid 10 d’Acht 2015 freisin.
Leagtar amach san Acht, go háirithe Codanna 2, 3 (arna leasú), 4 agus 6, na rialacha dlí éagsúla a bhfeidhmíonn an Binse laistigh díobh agus é ag déileáil leis na hachomhairc laistigh dá dhlínse. Forlíontar na rialacha dlí seo le Rialacháin an Aontais Eorpaigh (Córas Bhaile Átha Cliath) 2018, i ndáil le hachomhairc maidir le cinntí aistrithe arna ndéanamh ag oifigeach cosanta idirnáisiúnta faoi Rialachán Bhaile Átha Cliath III (Rialachán 604/2013). Ón 1 Iúil 2018, tá cinneadh déanta ag an mBinse freisin ar achomhairc de bhun Rialacháin na gComhphobal Eorpach (Coinníollacha Fáiltithe) 2018-2021.
Ar an iomlán, is é sainchúram reachtaíochta reatha an Bhinse ná achomhairc ó chinntí céadchéime a chinneadh maidir le:
Tá nádúr fiosrúcháin ag an mBinse agus tá sé neamhspleách i bhfeidhmiú a fheidhmeanna cinnteoireachta. Ní mór do Chomhaltaí an Bhinse a chinntiú go ndéantar na cásanna a shanntar dóibh a bhainistiú go héifeachtach agus go ndiúscraítear iad chomh tapa agus atá comhsheasmhach le cothroime agus ceartas nádúrtha.