Tá áthas orm Tuarascáil Bhliantúil an Bhinse Achomhairc Idirnáisiúnta um Chosaint don bhliain 2019 a chur os do chomhair.
I gcaitheamh na bliana, lean an Binse ag méadú a aschuir agus ar go leor bealaí, d'fhéadfaí 2019 a mheas mar chéad bhliain an Bhinse maidir le cumas oibriúcháin iomlán a bhaint amach le Comhaltaí an Bhinse tar éis dóibh an taithí riachtanach a fháil sa réimse casta dlí seo agus tar éis dóibh a gcuid scileanna a fhorbairt go hiomlán mar chinnteoirí garbhreithiúnacha. Thairis sin, líonadh folúntais i gcomhlíonadh foirne an Bhinse den chuid is mó faoi dheireadh na bliana, rud a chuir ar chumas Chláraitheoir an Bhinse, Pat Murray, éifeachtúlacht riar an Bhinse a mhéadú.
Mar thoradh air sin, thar an tréimhse dhá bhliain ó 2017 go 2019, tháinig méadú 221% ar aschur foriomlán an Bhinse maidir le cinntí agus achomhairc chríochnaithe ar shlí eile; agus táim ag tnúth le bheith in ann aschur 2019 a thomhas i gcoinne an méid atáimid ag obair i dtreo in 2020, agus táim muiníneach go mbeidh tuilleadh feabhsuithe á dtuairisciú againn, go háirithe maidir le hamanna próiseála.
Ba mhaith liom buíochas a ghabháil leis an Roinn Dlí agus Cirt agus Comhionannais as a coláisteacht agus as tacaíocht a sholáthar don Bhinse i rith 2019 agus as oibriú leis an mBinse maidir le struchtúir rialachais nua a bhunú i gcomhthéacs Chlár Claochlaithe na Roinne féin agus i gcomaoin stádas an Bhinse mar chomhlacht garbhreithiúnach atá neamhspleách i gcomhlíonadh a feidhmeanna.
Táim buíoch freisin den Chláraitheoir, don Leas-Chathaoirligh, don fhoireann agus do Chomhaltaí an Bhinse as an iarracht neamhghnách atá á déanamh acu ag an am deacair seo, ag eascairt as paindéim COVID-19, chun a chinntiú go leanfar le sárobair an Bhinse, agus go háirithe go bhféadfaí an Tuarascáil Bhliantúil seo a chur i gcrích in am agus de réir dhualgais reachtúla an Bhinse.
Is féidir teacht ar an tuarascáil iomlán anseo.