Tá Treoirlíne nua eisithe ag Cathaoirleach an Bhinse Achomhairc um Chosaint Idirnáisiúnta maidir le Fianaise a Ghlacadh ó Achomharcóirí agus ó Fhinnéithe Eile . Tá sé beartaithe leis an Treoirlíne seo forlíonadh a dhéanamh ar an Acht agus na Rialacháin agus ní chun iad a chur ina n-áit. I gcás coinbhleachta, beidh tosaíocht ag forálacha an Achta nó an Rialacháin ábhartha ar an Treoirlíne seo. Cuirtear an Treoirlíne seo in ionad Threoirlíne Uimh. 2022/1 an Chathaoirligh maidir le Fianaise a Ghlacadh ó Achomharcóirí agus ó Fhinnéithe Eile mar a eisíodh an 8 Feabhra 2022. Eisítear an Treoirlíne seo de bhun Alt 63(2) den Acht.
Cuireann an Treoirlíne treoir ar fáil, i measc nithe eile, maidir leis na prionsabail bhunúsacha maidir le fianaise a ghlacadh ag an mBinse, úsáid ateangairí, nithe réamhéisteachta agus le linn éisteachta, mionnaí, finnéithe, agus éisteachtaí comhcheangailte.
Baineann an Treoirlíne seo le gach achomharc a chinneann an Binse agus is iad an Anailís Bhreithiúnach ar Fhianaise agus measúnú inchreidteachta i gcomhthéacs an Chomhchórais Eorpaigh Tearmainn, (IARMJ/EUAA, an dara heagrán, Feabhra 2023), an Anailís Bhreithiúnach ar Leochaileacht i gcomhthéacs iarratas ar chosaint idirnáisiúnta (IARMJ/EASO, 2021), agus Lámhleabhar UNHCR maidir le Nósanna Imeachta agus Critéir chun Stádas Dídeanaí a Chinneadh agus Treoirlínte maidir le Cosaint Idirnáisiúnta (Feabhra 2019), cásdlí ábhartha intíre agus idirnáisiúnta, tráchtaireacht acadúil agus dea-chleachtas idirnáisiúnta is mó a chuireann leis an treoir.