D'eisigh Cathaoirleach an Bhinse Achomhairc um Chosaint Idirnáisiúnta (dá ngairtear 'an Binse' anseo feasta), chun éifeachtúlacht fheidhmeanna an Bhinse a chinntiú de réir cothroime agus ceartais nádúrtha, Nóta Cleachtais Riaracháin nua agus nuashonraithe ('APN'). Léifear an APN seo i gcomhar le forálacha an Achta um Chosaint Idirnáisiúnta, 2015 ('Acht 2015') agus na Rialachán fán Acht um Chosaint Idirnáisiúnta, 2015 (Nósanna Imeachta agus Tréimhsí Achomhairc), 2017 ('Rialacháin 2017'), agus na Treoirlínte go léir arna n-eisiúint ag an gCathaoirleach de bhun alt 63(2) d'Acht 2015. I gcás aon débhríochta nó coinbhleachta, beidh tosaíocht ag an reachtaíocht. Cúlghairtear leis seo an leagan roimhe seo den APN seo a tháinig i bhfeidhm an 21 Bealtaine 2022.
Féadfar an APN seo a leasú ó am go ham de réir mar a thagann an riachtanas chun cinn, agus moltar d'achomharcóirí, dá n-ionadaithe dlí agus dá n-oifigigh láithreoireachta iad féin a choinneáil ar an eolas faoi aon athruithe, a thabharfar faoi deara sa chuid Nuachta de shuíomh gréasáin an Bhinse.
Tríd an APN seo a leagan amach, tá an Binse ag súil go mbeidh gach páirtí a bheidh os comhair an Bhinse ar an eolas faoina nósanna imeachta. Ba chóir go mbeadh a fhios ag gach páirtí a bheidh os comhair an Bhinse go bhféadfadh moill neamhriachtanach a bheith ar phróiseáil agus ar chinneadh achomhairc mar thoradh ar mhainneachtain forálacha an APN seo a chomhlíonadh, agus féadfar a mheas gur mhainneachtain comhoibriú de réir bhrí ailt 27 agus 45 d'Acht 2015.
De réir luachanna an Bhinse mar atá leagtha amach ina Ráiteas Straitéise 2021-2023, tá an Binse tiomanta caitheamh le gach páirtí a thagann os a chomhair le meas, dínit agus breithniú. Tá an Binse ag súil leis na caighdeáin iompair chéanna ó gach páirtí a thagann os a chomhair.
Is féidir leat féachaint ar an Nóta Cleachtais Riaracháin.