D'eisigh Cathaoirleach an Bhinse Achomhairc um Chosaint Idirnáisiúnta, ar mhaithe le héifeachtúlacht fheidhmeanna an Bhinse a chinntiú de réir cothroime agus ceartais nádúrtha, Treoirlíne nua agus nuashonraithe maidir le Faisnéis Tíre do Chomhaltaí an Bhinse de réir alt 63(2) den Acht um Chosaint Idirnáisiúnta 2015.
Léifear an Treoirlíne in éineacht le forálacha an Achta um Chosaint Idirnáisiúnta, 2015 ('Acht 2015') agus na Rialachán fán Acht um Chosaint Idirnáisiúnta, 2015 (Nósanna Imeachta agus Tréimhsí Achomhairc), 2017 ('Rialacháin 2017'), agus gach Treoir eile arna n-eisiúint ag an gCathaoirleach de bhun alt 63(2) d'Acht 2015. I gcás aon débhríochta nó coinbhleachta, beidh tosaíocht ag an reachtaíocht. Tagann an Treoirlíne in ionad Treoirnóta roimhe seo maidir le Faisnéis faoi Thír Thionscnaimh 2017/4, a chúlghairtear leis seo.
Is é cuspóir na Treoirlíne seo breac-chuntas a thabhairt ar na caighdeáin agus na prionsabail ábhartha lena rialaítear foinsiú agus measúnú faisnéise tíre chun achomhairc a thagann os comhair an Bhinse a chinneadh agus táthar ag súil go mbeidh sé ina chúnamh freisin dóibh siúd a thagann os comhair an Bhinse agus achomhairc agus aighneachtaí eile á n-ullmhú don Bhinse.